M-15 mugimenduko kanpaldiak beste hiriburuetara zabaldu dira

 Hemen daukazue azken egun hauetan zer esana ematen ari den gai baten inguruko testua, argia aldizkaritik hartua. Irakurri eta azal ezazu zure iritzi edo hausnarketa.

2011-05-18

Bilboko bilkura bart arratsaldean

Astearte goizaldean poliziak Madrilen hasitako kanpaldia desegin eta gero, bart gauean protesta eta kanpaldi gehiago izan dira Espainiako Estatuko hainbat hiriburutan. Madrilen ehundaka lagunek igaro dute gaua Puerta del Sol plazan, poliziak inguratuta. Bestalde, kanpaldi jendetsuak egin dira Bartzelonan, Sevillan eta beste zenbait lekutan. Euskal Herrian ere bilkurak egin dituzte eta larunbata bitartean deialdi gehiago iragarri dituzte. Joan den igandean Democracia Real Ya! plataformak egindako bilkuren segida dira protesta eta kanpaldiok, politikariei “nazkatuta eta haserre” daudela adierazteko.
Bilbon, Arriaga plazan gazte ugari bildu zen atzo arratsaldean eta asanblada egin zuten; ondoren ziento erdi lagunek gaua igaro dute bertan eta protestarekin segitzeko asmoa dute. Iruñean eta Donostian ere sare sozialen bidez (Twiterren #acampadadonostia eta #acampadapamplona etiketak erabiliz, besteak beste) gaurtik aurrera kanpaldiak egitera deitu dituzte herritarrak, arratsaldeko 20:00etan hasita, Donostian Boulevardean eta Iruñean Udaletxe plazan.

Hauexek zuzendu nahi izanez gero...

ZUEN IDAZLANAK DIRELA ETA…

-          Jostailuen aldaketen ez ezik, umeen gustuak eta ondo pasatzeko erak ere aldatu dira.

-          Ikerketa baten ondorio nagusiak aho zabalik utzi dio gizarteari.

-          Mahaien gauzak arras garrantzitsuak dira.

-          Desberdindu behar dugu gure eguneroko otorduen ohiturak eta “benetako” sukaldaritza.

-          Leku gutxietan eta berezietan bakarrik aurkitzen dezakegu.

-          Beren irudiak babestu nahi dituzte nazioarteko munduan

-          Janariaren amodioa

-          Askotan, gustatuko litzaiguke baino gehiagotan, deitzen digute…

-          Edozein eskaintza berria

-          Ez dakigu tramankulu hori gabe bizi

-          Kaletik goazela beti mugikorrarekin

-          Konpainia telefonikoak honetaz etekina atera nahian,…

-          Gure gauzetaz hitz egiteko

-          Ahaz dezagun mugikor petral horiek pixka bat eta has gaitezen benetazko  harremanak izaten.

-          Ez ligukete hainbeste iruzurtuko

-          Gaurko gazteak erdi tontoak bihurtuko dira

-          Koadrilaren artean egotea ez dakitela

-          Teknologia berria nondik nora doala ikasten dute

-          Gogoko nuke galdetzea zergatik ez zaizkie gustatzen horrelako jostailuak

-          Zer demontre ekarriko digu hori?

-          Jostailu hitz hori zerbait dibertigarriarekin lotzen dugu

-          Jolastea oso beharrezkoa da umeentzako orekarentzat.

-          Horretaz adoz nago

Putak: XXI. mendeko heroiak

Hemen duzu ARGIA astekarian Josebe Iturriozek idatzi duen artikulua. Irakurri eta testua oinarri hartuta erantzutea edota berak egiten dituen galderak erantzutea edota gaiari buruz duzun iritzia ematea izango da zure egin beharrekoa. Animo!

AHAL-MELINGO TXIRULARIA

Ahal-melingo txirularia

Asteartea, 2011(e)ko maiatza(r)en 03-(e)an 10:52etan

Ez dakit nola hasi Hiru letratxu hau. Badakit zer esan nahi dudan, badakit zein den helarazi nahi dizuedan mezua, baina gaztetan Sthepen Kingen zale amorratua banintzen ere, ez naiz gai nire idatzietan izua behar den trebeziaz islatzeko. Bai, ene lagunok, beldurrak airean nago. Dena orain dela hiru bat aste hasi zen, paseoan nenbilela. Zortzi bat urteko ume bat amarengana hurbildu eta, ogitartekoa eskatu ondoren, zera galdetu zion: ahal dut parkera joan? Urdailean bat-batean sentitu nuen mina aire txar bati egotzi nion eta, garrantzirik eman gabe, aurrera jarraitu nuen taberna baterantz. Taberna, joan den urtarrilaz geroztik usu gertatzen den bezala, umez beterik zegoen eta garagardo bat eskatu ondoren pipa bat erretzera atera nintzen kalera non, esan dezadan bidenabar, ume horien gurasoen konpainia ketsuan egon nintzen. Halako batean, umeetako bat tabernatik atera eta aitarengana jo zuen zuzenean: ahal dut txikle bat erosi? Hortik aurrera, nire beldurra in crescendo joan zen. Edonora begiratuta ere, esaldi guztiak “ahal dut” aditzarekin hasten zituzten umeekin egiten nuen topo. Ahal dut komunera joan? Ahal dut gozokia jan? Ahal dut Mariaren etxera joan? Okerrena, izurik lazgarriena, etxera iritsitakoan gertatu zen. Nire alabek, biek batera, zera galdetu zidaten: ahal dugu telebista ikusi? Bat-batean Invasion of the body snatchers pelikula gogoangarriarekin oroitu nintzen, eta hotzikara batek astindu zizkidan barrunbeak. Ero moduan, etxe osoa hasi nintzen arakatzen. Haatik, ez nuen leka erraldoirik inon topatu. Ez, beste zerbait zen. Zer, baina? Harez geroztik bila nabil. Zeharo beldurtuta, bai, baina bila. Non dago gure seme-alabei ahalera guztiak lapurtu dizkien gaiztoa? Nork lapurtu die “naiteke”, “dezaket” eta “genezake” guztiak? Non dago Ahal-melingo txirulari maltzur hori, gure ume guztiak hain era krudelean sorgindu dituena? Ez dakit, baina zerbait egin behar dugu. Denok arriskuan baikaude. Ahal didazue lagundu? Xabier Etxaniz Rojo